kommunimut 2021-mi qinersinermi piumasaqaatit tallimat
Kiffaanngissuseq naligiissitaanerlu pillugit give me 5! NIIK apriilip arfernanni kommunimut qinersinissamut qineqqusaariartoqqusivoq.
Kommunimut qinersinissaq inunnut innarluutilinnut tunngatillugu naligiissitsinissamik oqallisiginninnissamut periarfissaalluarpoq. Kommunimmi najugarineqarlutillu suliffigineqarlutillu inuuffigineqarput. Taamaattumik kommunit qanoq politikkeqarnersut pingaaruteqarluinnarpoq!
Piumasaqaatigisavut tallimat ukuupput:
- Peqataatitsiffiusumik suliffeqarnissaq
- Atuarfiit tikikkuminarlutillu tamanit peqataaffigineqarsinnaanissaat
- Naligiissitaalluni namminersorlunilu inuunissamut periarfissaqarluarluninajugaqarsinnaaneq
- Kikkunnik tamanik peqataatitsiffiusuniksunngiffimmi sammisassaqarnissaq
- Pisariaqartitsisut pisariaqartitsineranni piginnaanngorsarnissaat piginnaanngorsaqqinnissaallu
Inuit innarluutit pisinnaatitaaffii inatsisini aalajangersakkanilu arlalinni allanneqarsimapput. Imaanngilarli pisinnaatitaaffeqaraluartulluunniit pisinnaatitaaffigisaminnik tunineqartartut. Kalaallit Nunaanni oqartussaasut FN-imit isornartorsiorneqarput inuit innarluutillit pisinnaatitaaffiinik unioqqutitsinertik pillugu. Ajornartorsiutit imaannaanngilluinnartut ilagaat kommunit sulisaasiisa assigiinngitsorujussuunerat.
Inuit innarluutillit inunnut allanut naligiissineqartikkumallugit suut iliuuserineqartariaqarpat? Kommunini politikerit unammillerpavut suliffinni, atuarfinni, najugaqarnermi, sunngiffimmi peqqissaaffinnilu naligiissitaaneq pillugu ‘give me 5’- assamitsigut.
Tamanut naleqquttumik ilusilersuinermi aallaavigineqarpoq peqataatitsinissaq kikkullu tamarmik naligiissumik atuisinnaanissaanik peqataasinnaanissaannillu qulakkeerinissaq suliffeqarfinni sumiiffinnilu tamanit ornigarneqartartuni.
NIIK-p peqatigiiffik suleqatigisarput, Norgemi kattuffik FFO, suliniummik isumassarsiamik atuititsimmat.
Sponsor:
Allaaserinnittoq NIIK og FFO - Nutserisoq Tukummeq Møller-Steffens
Ilusisilersuisoq Maria Motzfeldt - Assit Dennis Ingemann