Pisariaqartitsininni piginnaanngorsarlungalu piginnaanngorsaqqinnga!

Piginnaanngorsarnissamik piginnaanngorsaqqinnissamillu neqeroorut pitsaasoq

  • peqqinnerulersitseqataallunilu ulluinnarni aalassarinnerulersitseqataasarpoq
  • innuttaasup nammineq anguniagaanik tunngaveqarpoq
  • timigissartuarsinnaanissamut qulakkeerutaasarpoq
  • sulianik tapertariissitsisarpoq ataqatigiissaarluarneqartarlunilu
  • napparsimasup isumagineqarneranut ilaavoq peqqinnissaqarfimmillu ataqatigiissaarneqarluni
  • innuttaasunit pisariaqartitsisunit tamanit atorluarneqarsinnaavoq


Sooq pingaaruteqarpa?

Piginnaanngorsaaneq piginnaanngorsaaqqiinerlu aalassarinnerulersitseqataasarpoq innarluuteqarlunilu inuunermik aqutsinissamut iluaqutaasarluni. Inuppassuit napparsimmavimmi uninngareerlutik imaluunniit pillorissartuarumallutik piginnaanngorsaqqittariaqartarput. Aamma piginnaanngorsarneq piginnaanngorsaqqinnerlu peqqiillinaveersaarutaaqataasarpoq napparsimmavimmulluunniit uneqqinnissamik pinaveersaartitseqataasarluni. Innuttaasup siunertaqarluartumik ulluinnaqarnissaanik sapinngisamillu aalassarinnerpaanissaanik qulakkeerineq inunnut ataasiakkaanut inuiaqatigiinnullu tamanut naleqassuseqartitseqataasarpoq.

Innuttaasut ilarpassui pisariaqartitsigaluarlutik kommuniminni piginnaanngorsarneqarneq ajorlutillu piginnaanngorsaqqinneqarneq ajorput. Tamanna atukkanik inuunerullu pitsaassusianik ajornerulersitsisinnaavoq. Tamatumunnga attuumassuteqartut kommuninit pingaartinneqarpallaarneq ajorput. Tamatuminnga pingaartitsinnginnermut pissutaasut arlariiupput; suliatigut piginnaasaqarluannginneq, politikkikkut eqqumannginneq, aningaasaqarnikkut ingerlanerliorneq ataqatigiissaarinerlunnerlu.

Kommunini piginnaanngorsaasanngippata piginnaanngorsaaqqiisanngippatalu inuit ataasiakkaat inuiaqatigiillu tamarmik kingunerlutsitsisinnaapput. Innuttaasut peqqiillioraangata aalassarinngikkaangatalu peqqinnissaqarfinni paaqqinnittarfinnilu sullissisartut allat pisariaqartinneqarnerulerlutillu tatineqarnerulersinnaapput. Piginnaanngorsaaqqinneq imminut akilersinnaavoq innuttaasunik peqqinnerutitsisarmat nammineersinnaatitsisarmallu – tamatumalu atuutsinnissaa peqqinnissaqarfinni paaqqinnittarfinnilu anguniagarineqartariaqarpoq pingaarutilik.


Illit politikeritut suut iliuuserisinnaavigit?

Illit partiilu attavigisat kommunalbestyrelsemiilerussi naatsorsuutigaarput illit ukuninnga iliuuseqarnikkut piginnaanngorsaaneq piginnaanngorsaaqqiinerlu pingaarnersanut ilaalersissagitit:

  • piginnaanngorsaanermut piginnaanngorsaaqqiinermullu tunngatillugu politikkikkut suliaqarfiusumillu pitsanngorsaanissamik qulakkeerineq pisariaqartitsisut tamarmik piginnaanngorsarneqarlutillu piginnaanngorsaqqinneqarniassammata
  • piginnaanngorsaasut piginnaanngorsaaqqiisullu ataqatigiissaarluarneqarnissaannik qulakkeerineq
  • peqqinnissaqarfimmik ataqatigiissaarilluartoqarnissaanik qulakkeerineq
  • kommunimi piginnaanngorsaasinnaasunik piginnaanngorsaaqqiisinnaasunillu naammattunik ilinniarsimasoqarnissaanik qulakkeerineq