Qeqqata Kommuniani Sisimiuni meeqqanut autismeqartunut ulloq naallugu atuarfeqalernissaa angajoqqaanut neriuuteqalersitsillunili eqqarsalersitsivoq.

Najârak’ Egedep ernini inersimasoq innarluutilik Nuummi Qapiarfiusaami inissiamut siorna angerlaakkamiuk sakkortullunilu ilungersunarsimavoq. Inissiaq ilaqutariit maannakkut pisariaqartitaannut naammaginanngitsoq.

Nunatsinni Inuit Innarluutillit Kattuffianni siulittaasup innarluutilinnut tunngasunik naalakkersuisoqarfeqalernera nuannaarutigaa

Nunatsinni innuttaasut 20 procentiisa missaat assigiinngitsunik innarluuteqarput. Nunatsinnili innarluutilinnut atugassarititaasut naammaginanngimmata Danmarkimilu pitsaanerusarmata nuuttartut tusarsaasarput, taakkulu ilagaat ilaqutariit Petersen Enoksenikkut

Kalaallit Nunaanni meeqqat innarluutillit atuarfimmi qinngasaarneqartarlutillu ikiaroornartumik atuinermik misilittagaqarnerusarput. Misissuinerli naapertorlugu allatigut assigiinngissuteqartoqarpallaanngilaq.

Sisimiuni februaarip qaammataani sila issileruttornerata nalaani Inuit innarluutillit illersuisortaavat atorfittaaminut suliartorniarluni tikippoq. Tikinnermi kingorna sulisut ilinniarlugillu inuiaqatigiit pisariaqartitai misissuiffigisimavai. Qivioq Løvstrøm Sermitsiap naapippaa.

Ilisimasat maannamut katersorneqarsimasut atorluarlugit ineriartorteqqillugillu, aammalu inuit innarluutillit pillugit oqaaseqartartoqarfimmi Tilioq-mi suleqatigilikkani peqatigalugit Qivioq inuit innarluutillit pillugit oqaaseqartartutut allanngueqataanissaminut qilanaarpoq.

Naalakkersuisut 32-nik ukiulik, Qivioq Løvstrøm innarluutillit oqaaseqartartuattut nutaatut toqqarpaat.

Qivioq Løvstrøm Inuit Innarluutillit Oqaaseqartartuattut januaarip aallaqqaataanit atorfinitsinneqassasoq, Naalakkersuisut tusagassiuutitigut nalunaarutigaat. Taassuma Anja Hynne Nielsen 2021-imili atorfeqartoq taarsertussanngorpaa.

Tarnikkut katsorsaaviup illutassaanut suliniut ukiut arlerlugit suliarineqareerluni, missingersuutinillu sippuerujussuartoqareersorlu Inatsisartut Aningaasaqarnermut Akileraartarnermullu Ataatsimiititaliaata atugassanngortitsinissamut qinnuteqaat akueraat. Taanna Dronning Ingridip napparsimmavissuata ungasinngisaani sananeqassaaq.