Uagut pilluta

Nunatsinni Inuit Innarluutillit Kattuffiat 

tassaavoq inunnut innarluutilinnut peqatigiiffit nuna tamakkerlugu ilaasortaatitaqartut aammalu peqatigiiffiit piffinni aalajangersimasuni peqatigiiffiit aalajangersimasumik sammivillit ingerlanneqartut, nuna tamakkerlugu kattuffiat.

Siunertaq:

Sulissutigaarput, inuit innarluutillit, inuit allat assigalugit inuuneqarsinnaanissaat.

Inuit innarluutillit peqataasinnaasariaqarput, tunniussaqarsinnaallutik aamma tamat ataatsimoorussaanni peqataasinnaasariaqarlutik.  

Anguniagaq:

  • Inuit innarluutillit peqatigiiffii sinnerlugit malunnaateqartumik oqaaseqartartuuvugut. Inuit assigiinngitsukkuutaanik innarluutillit sinnerlugit suliniuteqartuuvugut. Ersitsut aamma ersinngitsut  – tappiitsuniit tusaaniarnikkut amigaatilinnut, ineriartornermikkut akornutilinnut aamma tarnimikkut nappaatilinnut.
  • Angusaqarluarnissaq siunertaralugu suleqataasuuvugut. Nuna tamakkerlugu aamma piffinni aalajangersimasuni politik-ikkut oqaloqatigiilluarsinnaanissaq anguniartarparput. Innarluutinut tunngasunik ilisimasanik aammalu aaqqiissutissatut siunnersuutinik nutaanik tunniusseqataasinnaavugut. 
  • Tamat ataatsimoorussaasa ilusilersorneqarneranni inuiaqatigiit tamarmiusut peqataanissaat sulissutigaarput. Inuit innarluutillit tamat naleqatigalugit naligiissinneqarnissaat qitiutillugu pingaartitarisigu.

Malittarisassat malillugut siunertat:

  • Nuna tamakkerlugu peqatigiiffiit, inunnguuseralugu imaluunniit ajoqusersimanerup kinguneranik sivisuumik timikkut, eqqarsartaatsikkut, silassorissutsikkut, pissusilersortaatsikkut imaluunniit maluginiutsikkut, piginnaasamik annikillitsisimanerup kingunerisaasa – pinaveersaartinneqarnissaannik, nungutinniarneqarnissaannik, killilersorneqarnissaannik imaluunniit ikiorserneqarnissaannik suliniuteqartut, kattuffimmut ilaasortaasut tamarmiusut soqutigisaasa isumaginissaat.

 Sulinitsinni suliniutissatuaraarput, peqatigiiffiit kattuffimmut ilaasortaasut ataatsimoorussamik soqutigisaasa siuarsarneqarnissaat.

 Qinnuigineqarnerput malillugu, peqatigiiffiit kattuffimmut ilaasortaasut suliassaannik aaqqiissuteqarnissamut ikiuussinnaavugut.

Assiliaq ilisarnaaterput aaniarukku, ugguuna aasinnaavat