Peqataaffigisinnaasannik allallu naligalugit sammisaqaqataaffigisinnaasannik sunngiffeqarsinnaatinnga!
Sunngiffimmi sammisassaqartitsinerit peqataatitsiffiusut
- tamanut naleqqussaalluni ilusilersugaapput / tamanit peqataaffigineqarsinnaapput
- ataasiakkaanut neqeroorutissatut piareersagaasarput
- piginnaasaqarluartunik pisortaqartarlutillu ikorfartortissaqarfiusarput
- kikkut tamarmik peqataasinnaaqqullugit isumassarsiullaqqissunik aaqqiissutissanillu pingaarnerutitsisunik aqutsisoqartarput
- peqataasunik tamanik inuunerminni nuannaarutigisinnaasaannik pisinnaasaqartutut misigititsisarput
Peqataatitsiffiusunik sunngiffimmi sammisassaqartitsinissaq sooq pingaaruteqarpa?
Inuummarissinartumik sunngiffeqarnissaq kikkunnut tamanut pingaaruteqarpoq, inuilli innarluutillit amerlanerpaartaatigut kaffisorniartarfinnut, neriniartarfinnut, imerniartarfinnut, timersortarfinnut, filmertarfinnut, katersortarfinnut kulturikkullu illorsuarnut isersinnaaneq ajorput. Ininut isersinnaanissaq silamilu sammisaqartarfinniissinnaanissaq pingaaruteqarpoq, pingaaruteqarportaarli teknologiimik, ikorfartortinik, allannikkut, takussaasunik oqaluttuarnikkut ussersornikkullu nutserinermik atuilluni sunngiffimmi kulturikkullu sammisassanik naleqqussaanissaq. Amerlanertigut eqimattanut assigiinngitsunut naleqqussarnissamik paasisimasaqartoqarneq ajorlunilu ilisimaarinnittoqarneq ajorpoq.
Ikorfartorteqarnissamik aaqqissuussaqarluarnissaq ikiortarialinnut pingaaruteqartorujussuuvoq. Ikorfartorteqarnissamut akuersissuteqarnermut tunngatillugu sulisaatsit kommuniniit kommuninut assigiinngitsorujussuupput, sunngiffimmilu kulturikkullu sammisassanik pilersaarusiortartut ikittuinnaat aaqqissuussaq ilisimasaqarfigaat.
Illit politikeritut suut iliuuserisinnaavigit?
Illit partiilu attavigisat kommunalbestyrelsemiilerussi illit akisussaassuseqarlutit ukuninnga iliuuseqarnissat naatsorsuutigaarput:
- inuit innarluutillit qassinilluunniit ukiullit isumaqarluartunik sunngiffimmi, kulturikkut timersornikkullu sammisaqarluarnissamut periarfissaqarnissaannik qulakkeerineq
- sunngiffimmi sammisaqarfiit tamarmik tamanut naleqqussarlugit ilusilersugaanissaasa / tikikkuminarnissaasa aningaasaliiffigineqarnerannik annertusaaneq
- imigassamik sassaallersinnaanermik atulersitsinermut tunngatillugu tikikkuminarluassuseqartoqarnissaanik piumasaqaateqarneq
- kommunini sunngiffimmi kulturikkullu sammisassaqartitsinerni tamani akeqanngitsumik ikorfartorteqartoqarnissaanik qulakkeerineq
- peqatigiiffiit ikiorsiissutisisartut piumaffigalugit sammisassaqartitsineri inunnit innarluutilinnit peqataaffigineqarsinnaassasut