Kommuneqarfik Sermersuumi inunnut innarluutilinnut tunngasumik suliat tukannerat, kukkunernik amigaatinillu ulikkaarnerat nakkutilliinermik suliaqarnermit annertuumit qulaarneqarpoq.
Danmarkimi 2006-mi aallartittumik inuusuttunut immikkut pisariaqartitsisunut ilinniarnissamut immikkut periarfissaqartitsisoqalernikuuvoq STU-mik taaguuteqartinneqartumik (inuusuttut immikkut pisariaqartitsisut ilinniarfiat), taanna ilinniarneq inuusuttut pisariaqartitaannut naleqqussagaavoq. Inatsisartunut ilaasortaq Najaaraq Møller (S) kissaateqarpoq assingusumik nunatsinni neqerooruteqartoqalersinnaanersoq.
Arnat sulisut kisimik Ivaaqqami unnuarsiortarsinnaanerannik aalajangiineq, Naligiissitaanermut Siunnersuisoqatigiit aamma SIK-p sakkortuumik isornartorsiorpaat. Isumaginninnermut Aqutsisoqarfik isornartorsiuineq paasisinnaavaa, allannguinissamullu piareersimavoq.
Ivaaqqami arnat taamaallaat unnuarsiortuusarnissaannik aalajangiisoqarsimanera, SIK-mi siulersuisuunerni siulittaasup naammaginngilaa. Ukiumut akissarsiat ajornerunerannut tunngaannanngilaq – naligiissitaanermut aamma tunngavoq, taanna oqarpoq.
Paaqqinnittarfimmi Ivaaqqami arnaannaat unnuarsiortarnissaannik aalajangerneq, angutit arnallu assigiimmik pineqartarnissaannik inatsimmik unioqqutitsineruvoq, Britta Keldsen taama isumaqarpoq, taanna Naligiissitaanermut Siunnersuisoqatigiinni siulittaasuugallarpoq.
Inuit innarluutillit pillugit suliassaqarfimmi susassaqartut 100-t missaanniittut aamma politikerit, Kalaallit Nunaata qanoq ililluni inuit innarluutillit pilluigit isumaqatigiissutit atuutilersissanerai pillugit Naalakkersuisunut pingasunik aalajangersimasunik inassuteqarput.
Arnap innarluutillip septembarimi innarluutillit najugaqarfianni Ivaaqqami meerartaartoq pillugu suliap unnerluussisussaatitaasunut tunniunneqannginnerani, Kalaallit Nunaanni Politiit misissuinernit kingullernit inernerit utaqqivaat.
Allannguiniarneq #taasinerittitusindtit paqumisunnernik unitsitsissaaq aamma nunatta innarluutillit inuttut pisinnaatitaaffitik tunngavisiginnaassagaat qulakkeerniarlugu sulissutigissavaa.
Kattuffiit, peqatigiiffiit inuillu innarluuteqartut nuna tamakkerlugu inuit innarluuteqartut pillugit politikkeqartoqarnissaa kissaatigaat. Paasititsiniaaneq #taasisuttitusindtit atorlugu inuit innarluuteqartut amerlanerunerat erseqqissarneqarpoq.
Inuit innarluuteqartut pillugit suliniaqatigiiffik inuit innarluuteqartunut politikki pillugu ataatsimeersuartitsilerpoq. Peqatigiiffiit arlallit, politikerit soqutiginnittullu allat Ilulissani ataatsimeersuarnermi peqataassapput.