Innuttaasut piffissami kingullermi aalassassutigisaat, Ivaaqqamut suliaq, Qaqortumi politiinit paasiniarneqaleruttorpoq.
Kommune Kujallermi borgmesterip Stine Egedep (IA) kaammattuutigaa sulisunik pisuutitsinermik kamammillu inuit naapittarfiisigut oqallinneq mianersuuteqqullugu. Qaqortumi annertuumik innarluutilik Ivaaqqami meerartaareersoq taamatut oqariartuuteqarpoq.
Sulisut meeqqanik kinguaassiutitigut atornerluisimannginnermut uppernarsaataat akuttunngitsumik piniarneqartassapput, kiisalu kinguaassiornermut tunngasumik politikki nutarsarlugu naammassineqassaaq. Nakkutilliiartortut Ivaaraq pillugu taama naliliisimapput. Angerlarsimaffilli aalajaattunik sulisoqartoq aamma nalilerneqarsimavoq.
Ivaaqqami arnap 23-nik ukiullip annertuumillu innarluuteqartuusup sapaatip-akunnerata siuliani nukappiaqqamik erneriataarnera pillugu, Isumaginninnermut aqutsisoqarfiup pisortaa Qaqortumukarpoq, Ivaaqqamilu sulisut oqaloqatigai.
Borgmesterip utoqqaat angerlarsimaffianni ikuallattoqassagaluarpat kaassuartakkaniinnaq ingerlasut piffissaagallartillugu ammukaanneqarsinnaanersut maanna akisinnaanngilaa.
Arnaq annertuumik innarluutilik Ivaaqqameersoq pillugu suliami DNA uppernarsaatissaqqissupilussuuvoq, Bent Hytholm Jensen pinerluttoqarsimatillugu siusinnerusukkut misissuisartuusimasoq taamatut oqarpoq. Politiilli tunngavissaqarluartumik pasitsaassaqarsimatinnagit kikkut tamarmik misissugassamik DNA-mik tigusiffigineqarsinnaanngitsut, taassuma erseqqissaassutigaa.
Qaqortumi innarluutilinnut angerlarsimaffimmi Ivaaqqami najugallit ilaata oqalussinnaananilu pisussinnaanngitsup, meerartaariasaarnera pillugu Inuit pisinnaatitaaffii pillugit siunnersuisoqatigiivisa aamma qisuariarfigaat.
Arnamut annertuumik innarluutilimmut 23-inik ukiulimmut pisimasoq Inuit Pisinnaatitaaffii pillugit Siunnersuisoqatigiinnut aalassatsitsisimavoq. Siunnersuisoqatiinnit oqartussanut noqqaassuteqartoqarpoq.
Laura Taunajik Uitsatikitsip panini najoriartorniarlugu Kuummiiniit Qaqortumukalerpoq.
Arnaq 23-nik ukiulik annertuumik innarluutilik tallimanngormat ernivoq. Taassuma naartunera kialuunniit ilisimasimanngilaa, innarluutillillu inaat politiinut unnerluutigineqarpoq.