Innarluutillit angerlarsimaffiat Qaqortumiittoq kinguaassiutitigut atornerluisoqarsimanerarlugu politiinut nalunaarutigineqarpoq. Najugaqartoq 23-nik ukiulik oqalussinnaananilu pisussinnaanngitsoq naartusoq arajutseqqaneqarsimavoq.
Arnaq inuusuttoq innarluutilik tallimanngornermi meerartaarpoq naartunera kimilluunniit siumoortumik ilisimasaqarfigineqarsimanani. Arnaq annertuumik innarluuteqarpoq oqalussinnaanani pisussinnaananilu. Oqartussanit ilimagineqarpoq arnap ataasiarluni arlaleriarluniluunniit atornerlugaasimanera naartulerneranik kinguneqarsimasoq. Politiit suliamik paasiniaapput.
Utoqqaat angerlarsimaffianni ikuallattoqassagaluarpat ineqartut aneriataarnissamut periarfissagissaarneroqqullugit ineeraanniit allamut nuunnissaannik illersuisoq kissaateqarpoq. Avannaata Kommuniali itigartitsivoq.
Upernavimmi utoqqaat angerlarsimaffianni utoqqaq kaassuartakkaniinnaq ingerlasoq ukiuni marlunni marloriaannarluni aneerpoq. Tummeqakkut akiarneqartarpoq.
Meeqqat atualeqqaat isigiarsuttut amerlavallaartut isigiarsunnerat angajoqqavisa ilisimasanngilaat.
Dronning Ingridip Napparsimmavissuani tarnikkut napparsimasunut katsorsaasarfimmi qaqutigoortuunngitsumik naammattoorneqartarput, inuusuttut tarnikkut peruluuteqarlutik siullerpaamik innartinneqartartut aamma hashimik pujortartartut. Taakkuli pinngitsaalillugit katsorsartissinnaanngilavut, tarnip nappaataanut nakorsaq oqarpoq
Ulloq unnuarlu paaqqinnittarfimmi Ikinngummi Ilulissani najugaqartut Ipadinik aamma tamulugassanik cigaretinillu atuinerannik killilersuigaangata, nammineq aalajangisinnaatitaanerannik arsaarneqartarput, ombudsmandi taama paasisaqarpoq.
Qeqqata Kommunia ukiup matuma sinnerani 2023-milu sipaarniuteqassaaq. Ilaatigut unnuisarfinnut arsaattarfinnillu aserfallatsaaliinermut aningaasaliissutikinnerussaaq. Kommunili marlunnik suli naluttarfiliulersaarpoq.
Innuttaasut Innarluutillit Illersuisoqarfianut Tiliumut saaffiginnittartut ukiup ataatsip ingerlanerani affaannanngorsimapput. Innarluutilinnut illersuisoqarsimannginneq Yiliumut saaffiginnittartut ikinnerulersimanerannut pissutaasinnaavoq, ukiumoortumik nalunaarusiami allassimavoq.
Kalaallit Nunaanni tamarmi atuartut immikkut atuartinneqartut katillutik 364-it ukiuni kingullerni tallimani 10. klassimi atuarsimapput. Taakku 12 procentii fagimi ataatsimi arlalinniluunniit soraarummeernermi misilitsissimapput.