KNR - Inuiaat Tillernerat 04.12.2023
Allornerit sisamat majuartarialikkoorsinnaannginnini pillugu innarluutilik Poul Lauge ukiuni pingasuni ornittagaliarsinnaasarsimanngilaq. Taamaakkaluartoq kommunip ajornartorsiut taanna aappaagu aatsaat iliuuseqarfiginialersaarpaa.
Poul Lauge Qaqortumi innarluutillit sukisaarsaartarfiata Orniffiup isaariaa majuartarfeqarmat ukiuni pingasuni sukisaarsaartarfimmiissimanngilaq. Kommune aappaagu aatsaat aaqqiissutissarsiorniarpoq.
Kalaallit Nunaanni inuit amerlangaatsiartut annerusumik minnerusumilluunniit innarluuteqarput. Taamaattoq inatsit atuuttoq malinneqartanngilaq, inuillu innarluuteqartut inatsisitigut illersugaanerat aarlerinartorujussuarmiippoq, Tilioq isumaqarpoq.
Siusinaartumik pensionisialinnut aningaasartuutit ukiuni tallimani 33 procentinik amerleriarput. Inuusuttut immikkut unammillernartuupput – taakkunani Nuummi 73 procentinik amerleriarsimapput.
Inunnut innarluutilinnut atugassarititaasut pillugit nalunaarusiami eqqarsariaammernartumi nutaami taqqakkut milittoornermik eqqugaagaanni qanoq pisoqarsinnaaneranik atuartartut pingaarutilimmik paasisaqartinneqarput.
Tiliup innarluutillit sapaatip akunneqartinneqarnerat Nuummi aaqqissuussilluni malunnartinniarpaa, aammalu politikerinut aamma susassaqartunut inuit innarluutillit atugaannik pitsannguinermut ikiuisinnaasunut aaqqiissutissatut siunnersuut saqqummersinneqarpoq.
Annertuumik innarluutilimmut arnamut anaanaasup Maibritt Lothsenip, angutip 62-inik ukiullip arnamik pinngitsaaliisimanera pillugu pineqaatissinneqarnera aliasuutigalugulu kamannarerujussuarpaa.
Assigiinngisitsinnginnissaq pillugu inatsimmut Naalakkersuisut siunnersuutaannut, partiit illuatungiliuttut Naleraq aamma Atassut isumaqataanngillat. Naalakkersuisuni arnat angutillu oqimaaqatigiissaannginnerat siunnersuutip siullermeerneqarnerani aamma oqaaseqarfigineqarpoq.
Naalakkersuisut ilaatigut Naligiissitaanermut aalajangiisartunik, naligiissitaanissamut inatsisip unioqqutinneqarnera pillugu naammagittaalliuutinik suliarinnissinnaasunik, pilersitserusupput.