-Inoqarpoq innarluutilinnik suliffeqarnermut appakaanniarnerminnik ajornakusoortitsisunik, taama qallunaaq aallarnisaasoq inunnullu innarluutilinnut siunnersorti, Jacob Nossell Sulisitsisuni suliffeqarneq innarluuteqarnerlu pillugit saqqummiussereerluni oqarpoq

Inuit innarluutillit tapersersorneqarnissaat pillugu Inatsisartut inatsisissaattut siunnersuut maanna tusarniaassutigineqaleruttorpoq. Inatsisissatut siunnersuummi ilanngullugu inatsisitigut qulakkeerniarneqarpoq innarluutilimmut qanimut qanigisaasut akissarsiaqarlutik innarluutilittaminnut paarsisinnaanngirnissaat. Taamaattorli partiit aalajangiusimavaat angajoqqaanut akissarsiassat annaasat taarsiissutigineqarsinnaalertariaqartut, angajoqqaat/angajoqqaatut oqartussaassusillit meeqqamik immikkut pisariaqartitsisumik paaqqutarinninnerminni tamakkiisumik sulisinnaanngikkaangata, taamaammallu ataatsimiititaliamit suliarineqartariaqartoq.

Inatsisartuni ilaasortaq Anna Wangenheim (D) siunnersuuteqarpoq meeqqat immikkut pisariaqartitsisut angajoqqaavi/angajoqqaatut oqartussaassusillit meeqqap paaqqutarineqarneranut atatillugu ilaannakortumik sulisariaqartarnerminni imaluunniit sulinermit isertitaaruttariaqarnerminni taarsiiffigitinneqarsinnaalissasut. Naalakkersuisulli innersuussipput siunnersuut itigartinneqassasoq. Innarluuteqartut oqaaseqartartuat aamma Meeqqat oqaaseqartartuat Naalakkersuisut innersuussutaannut tunngatillugu sakkortuumik akerliliipput.

Inuit innarluutillit ilaqutaasalu atugaat pitsanngorsarneqassasut Naalakkersuisut ilisimatitsipput, inuit innarluutillit immikkut unammilligassaqartut aammalu ikiorneqarnerunissamik tapersersorneqarnerunissamillu kissaateqartut tapersersorneqarnissaat pillugu inatsisissatut siunnersuut nutaaq ukiakkut ataatsimiinnermi saqqummiunneqassalluni.

Inuusuttut innarluutillit ullumikkut nuna tamakkerlugu isumasioqatigiinnissami eqqarsaatiminnik, misilittakkanillu oqaasertaliinissaminnut periarfissinneqarput.

Kalaallit meerartaasa siutimikkut aseruuttoortarnerat peqqutaalluni tusaaniarnerat ajornartorsiutaavoq. Misissuinerup nutaap takutippaa tusartaatip allatup ittup meeqqat tusaarniarnerminnut ajornartorsiutaat aaqqiissinnaagaat, taama SDU nittartakkamini allaaserisaqarpoq.

Innarluutilik Poul Lauge Qaqortumi ukiut pingajussaannik sukisaarsaariarsinnaanngilaq. Sukisaarsaartarfik kaassuartakkanut aqquteqanngimmat taamaaliorsinnaanngilaq. Kaassuartakkanut ukiup massuma aallartinnerani aqquteqalissasoq kommunimit novembarimi neriorsuutigereeraluaraa suli aqquteqalinngilaq.

Sisimiut timersortarfeeraani nerrivimmi arsaarartoq nerrivimmi arsaararialeraangami ujaqqanit angisuunit aqqutaani akornuserneqartarsimavoq. Ilaasa kissumiarlugu eqquttariaqartarsimavaat.

Narsami aallaasersortoqarneranut atatillugu unnerluutigineqartoq Nuummi pineqaatissinneqarsimasunut inissiisarfimmi nakuusernerup kingunerisaanik qasilitsortalimmik serpartarneqarsimallunilu nakkutilliiffimmukaanneqarsimavoq. Pineqaatissinneqarsimasunulli inissiisarfimmi nakkutilliisoq unnerluutigineqartup nappaataanik ilisimannissimanngilaq.

Naalakkersuisoq, Aqqaluaq B. Egede innarluutillit oqaaseqartartuata isornartorsiuineranut ilisarinnittumik anngaavoq.