Assigiinngisitsinnginnissaq pillugu inatsimmut Naalakkersuisut siunnersuutaannut, partiit illuatungiliuttut Naleraq aamma Atassut isumaqataanngillat. Naalakkersuisuni arnat angutillu oqimaaqatigiissaannginnerat siunnersuutip siullermeerneqarnerani aamma oqaaseqarfigineqarpoq.
Naalakkersuisut ilaatigut Naligiissitaanermut aalajangiisartunik, naligiissitaanissamut inatsisip unioqqutinneqarnera pillugu naammagittaalliuutinik suliarinnissinnaasunik, pilersitserusupput.
Kujallermi eqqartuussiviup angut 62-nik ukiulik ukiuni marlunni qaammatinilu qulingiluani isertitsivimmiittussanngorlugu pineqaatissereeraalu, Ivaaraq pillugu suliami illersuisoq suliareqqitassanngortitsivoq pineqaatissiinerup sivisunerpaamik ukiut marluk ataallugit sivisussusilernissaa anguniarlugu.
Angut 62-inik ukiulik inuit innarluuteqartut najugaanni Ivaaqqami, najugaqartumut kinguaassiutitigut atornerluisimasutut Kujallermi Eqqartuussivimmi eqqartuunneqarami pisuutinneqarpoq.
Eqqartuussisoqarfik Kujalleq arnamik innarluutilimmik pinngitsaaliineq pillugu suliami pineqaatissiivoq.
Aqagu angut 62-inik ukiulik, Qaqortumi Paaqqinniffimmi Ivaaqqami arnamik arlalinnik innarluutilimmik eqqarsartaatsimigullu ajoqutilimmik pinngitsaaliilluni atoqateqarsimasutut unnerluussaasoq, eqqartuussivimmi sassartinneqassaaq.
Ivaaraq pillugu suliami unnerluussisussaatitaasup piumasaraa taarsiissuteqarnissaq inuillu timikkut tarnimikkulluunniit innarluutillit najugaanni sulisinnaanermut pisinnaatitaaffiiarneqassasoq. Unnerluussut naapertorlugu Ivaaqqami atornerluisarnerit qaammatip aappaa avillugu sivisussusilimmi pisarsimapput.
Ivaaraq pillugu suliamik taaneqartoq sapaatip-akunnerani matumani eqqartuussiveqarfimmi aallartinneqartussaavoq, unnerluussisullu unnerluutigineqartup ukiut marluk sinnerlugit pineqaatissinneqarnissaa piumasaraa.
Immikkut isumagineqarlutik inissinneqarsimasut ataasinngormat Danmarkimi naalakkersuisunit sumiginnaanerit pinerliinerillu pillugit utoqqatserfigineqarput. Tamakku 1933-1980-imi naalagaaffiup suliffeqarfiutaanni taama pineqartarsimapput. Kalaallit Slagelsemi Andersvængemut inissinneqarsimasut innarluutillit aamma utoqqatserfigineqarput.
Inuit innarluuteqartut nunatsinni inuuniarnerminni atugaat pillugit kisitsisinik paasissutissanillu nunarput amigaateqarpoq. Nunatsinni inuit innarluuteqartunut najugaqarfissatut neqeroorutiniittuni kinguaassiutitigut kannguttaatsuliortoqartarnera pillugu nalunaarummi Tilioq taama erseqqissaavoq.