Inunnut innarluutilinnut Avannaata Kommuniani suliani 25-ni 25-t kukkuluttorfiupput. Nalunaarusiaq pappilissanik tuaviuussinermit ajornartorsiutaanerujussuarnik ersersitsisoq, inuit innarluutillit oqaaseqartartuat isumaqarpoq.
Avannaata Kommuniata innarluutilinnut sullissineranik nakkutilliineq inuit innarluutillit illersuisuata Anja Hynne Nielsenip qisuariarfigaa. „Innuttaasut 25-t misissuiffigineqartut arlaannaalluunniit inatsit innarluutillit pillugit isumaqatigiissut malillugu pisariaqartitaminnik pisinnaatitaaffimminnillu ikiorneqarsimanngillat,“ taanna allappoq.
Avannaata Kommunianut siumut nalunaarutiginnereerluni nakkutilliiartorluni angalaneq inassuteqaaterpassuarnik peqqussutinillu kinguneqarpoq, tassami meeqqat inuillu innarluutillit tapersersorneqarnissaat pillugu inatsit kommunimit malinneqanngilluinnarput.
Kalaallisut pigineqanngilaq. Den nye Ligestilling og anti-diskriminationslov trådte i kraft den 1. juli 2024. Det betyder, at det nu er muligt at klage til Ligebehandlingsnævnet, hvis nogen har oplevet direkte eller indirekte forskelsbehandling.
Inatsisartut Aningaasaqarnermut Akileraartarnermullu Ataatsimiititaliaata meeqqat tarnimikkut erloqissutilinnut ulloq unnuarlu angerlarsimaffiup Nuummiittussap sananeqarnissaanut aningaasanik atugassanngortitsinissamut Naalakkersuisut qinnuteqaataat akueraat. Akuersissuteqartoqarneratigut suliarinnittussanut isumaqatigiissutit inaarutaasut atsiorneqarsinnaalissapput suliarlu aallartissinnaalissalluni. Ulloq unnuarlu angerlarsimaffiup nutaap 2026-mi aggustimi piareernissaa naatsorsuutigineqartoq, Ineqarnermut Attaveqaasersuutinullu Naalakkersuisoqarfik nalunaaruteqarpoq.
Meeqqat inuusuttullu tarnimikkut erloqissuteqartut aamma ulloq unnuarlu inissinneqartariaqartut angerlarsimaffeqalissapput. Naalakkersuisut suliniummut aningaasanik atugassanngortitsinissamut akuersineratigut tamanna pivoq.
Nukappiaqqamut, septembarip aappaani 2022-imi tupaallatsitserujussuarluni inunngortumut aanaajusoq, Maibritt Lothsen, ernuttami anaanaminik qaammaasaqarnissaa qulakkeerniarsaralugu periarfissat tamaasa misilittarsimavai. Aanaap ernuttani tigorusullugu arlaleriarluni misiliigaluareerluni, misigisimavoq aaqqissuussaanermit ajattugaalluni. Kommuni suliamut tunngatillugu oqaaseqarsinnaannginnerarpoq, suliaq inunnut ataasiakkaanut tunngassuteqarnera pissutigalugu.
Pissusilersornikkut, ilorrisimaarnikkut imaluunniit inunnut allanut attaveqarniarnermi ajornartorsiutit patsisigalugit nukappiaqqat niviarsiaqqanit tallimariaammik amerlanerusut, immikkut ittumik atuartinneqarnissaminnut innersuunneqartarput
Inuit innarluutillit tapersersorneqarnissaat pillugu Inatsisartut inatsisaattut siunnersuut sukumiisorujussuaq, arlalissuartigut, pingaartumik kommuninit isornartorsiuisoqarnerata kingorna, misissoqqinneqarlunilu tusarniaassutigineqqinneqartussanngorpasippoq.
"Greenland Leaving No One Behind" qulequtaralugu Tilioq juunip ulluisa 6-ani 7-anilu Sisimiuni Taseralimmi ukiumoortumik ataatsimeersuartitseqqammerpoq, kingornalu seminarertitsilluni. Ataatsimeersuarnermi inuit assigiinngitsut tamanut naleqqussakkamik ilusilersuinermut tunngasunik ilisimasallit peqataapput. Isuma inuiaqatigiinnik, aaqqissuussinernik nioqqutissianillu inuit, aamma innarluutillit, pisariaqartitaannik matussusiisunik pilersitsinissamik siunertaqarpoq.